Блог
Ресейдегі бизнес-орта Қазақстандағы бизнес-ортадан ерекшелене ме?
Қазақстандағы бизнес пен Ресейдегі бизнес бір-бірінен қатты ерекшеленеді. Менен жиі әлсіз тұстарды анықтау үшін салыстырмалы талдау жасауды сұрайды. Біздің құзыреттілік деңгейіміз басқа елдердікінен әлдеқайда төмен. Қазір шетелдіктер бізге тек «көбірек ал, алысқа жасыр» дегенді орындайтын адамдарға қарағандай қарайды.
Біз көптеген оқытушылар мен мамандардың Қазақстаннан кетіп қалғаны үшін өзімізге есеп беруіміз керек, және біздің қазіргі міндет – өңірлерде жас мамандарды дамыту. Білімді мектептен бастап көтеру қажет. Мемлекет педагогикалық институт студентінің батыстық компанияға емес, аймақтарға кетуіне мүдделі болуы тиіс. Ол үшін оған жақсы келісімшарт, әлеуметтік пакет ұсыну қажет. Мемлекет осыны ынталандырып, мансап жолында белгілі бір өсу сатылары болатынына кепілдік беруі керек. Бұл ең маңызды шарттарды бірі. Егер біз барлығына сапалы қолжетімді білім берсек, бізде елдің тізгінін сеніп тапсыратын кәсіпқой мамандар пайда болады.
Қазір бізде барлық ірі жобалар шетелдік компанияларға немесе тапсырысты конкурссыз алатын немесе тиімділігі 300 және одан да көп пайызды «өзара бөліске» салып, мұндай жобаларды жүзеге асыру үшін ҚР-дан тыс мердігерлерді тартатын қазақстандық компанияларға беріледі. Жемқорлықпен күрес үшін жауап беретін мырзалар, сенбесеңіздер, тексеріңіздер! Мысалы, дәл сол энергетика саласында. Электр стансалары құрылысының 1 МВТ = 2 миллион доллар деңгейіндегі нарықтық құны бар, және ҚР-дағы құнын салыстырыңыз. Төбе шашыңыз тік тұрады! Одан кейін біз жемқорлық бойынша өте алмайтын 30 елдің қатарына кіргіміз келеді дейміз!
Қазақстандық компаниялар тәжірибенің жоқтығынан шетте қалады. Және осы тұста министрліктер үшін басты міндеттің бірі – белгілі бір нысандардың бірлескен құрылысын қамтамасыз ету. Заң жүзінде шетелдік менеджерлер өздеріне жергілікті персонал ішінен орынбасар тағайындауы тиіс деген шарт қойылуы керек. Және олар біліктілігі жоғары орынбасарды дайындағаны үшін бонус алуы тиіс.
Бұл ЖОО-ларға да қатысты. Біз жүздеген білікті профессорлары жұмыссыз қалған Еуропа мен Америкадағы рецессияны пайдалануымыз керек. Біз оларды осында дәріс оқуға шақыруымыз қажет. Бірнеше мыңдаған болашақтықтарды шетелге жіберу тиімсіз, және перзидент дер кезінде түзету енгізіп, Назарбаев Университетін ашты. Әрбір өңірдің қажеттілігін ескеріп, әрбір облыстық орталықтан дәл сондай маманданған университет ашу керек. Сол кезде біздің жастарымыз елінен, түбірінен жыраққа кетпей-ақ, халықаралық деңгейде білім ала алады.
